طب يرضي مين..؟
ازعل ع الماضي واسحل نفسي
انا برضو زيك اتغفلت وخدعني قلبي
بقول مش زعلان رغم اني من جوه معبي
كل الوعود كدابه معان الكلام كان بنبي
——————————
فووق
دي جايه تعيد في كلام محروق
انام بتلوه فا اقوم ممزوق
بـ احبال الحب انا مشنوق
____الحزن في سنين بات
متجيش حتي لو قالولك ان محمد مات
——————————
لو علي الـ فات رميته_لو عليكي نسياني
متقوليش في يوم حبيته بس قولي انك كرهاني
حبتها يا ناس عميني فا كان جزاتي تروح عمياني
ما انتي عارفه لما بمشي اني مبرجعش تاني
——————————
ما تفوقي كدبوا عليكي مش بيحبوكي
وهيجي يوم و هيخنوكي وحتي اهلك هيسبوكي
وتفكيري يومها اسمي (محمد الدولي)
____________ لكن يخسره بعد ايه
لو الدموع تجيب اللي فات كان زماني بكيت عليه
——————————
انا زي ما انتي قولتي ضيعت وقتي مع المزيكا
هي حاجه انا حببها اوعي تقارني نفسك بيها
وانا مش هقول الحقيقه عشان كل حاجه باينه
مصتنعه و انانيه واقل وصف انك خاينه
——————————
انا وانت الحزن لونا عاشنا نحب ناس تاكلنا
عاشنا نعمل اغاني وعلي زعلنا يسقفولنا
انا مين وفين وليه رجعت اغني تاني
كنتي تبعديني عنك والمزيكا تقوم شداني
(يونس) :
تعرف .. كان نفسي اقولك إني نجحت
وااقولك إني فرحت بس دي حاجة تموت ضحك
خلاص .. انا مُت مع اللي مات الفرق
انا يمكن عيشت بس عشان يوماتي يموتلي حد
——————————
تعرف .. كان نفسي اقولك انا مبسوط افرحلي
من غير ما اداري براحتي من غير عيون تفضحني
لكن .. احنا اتكتب علينا دة
ونعيش نموت ونعيشها تحت مسمي كلمة وهم
——————————
محتاجتش بيت احكيلوا احتاجت صاحب
الكتف في الكتف ويحسسني إن احنا واحد
مايفرقش .. حتة الكلام ما بقاش يفيد
متفكرش ازاي تنهيها فكر تبقي انسان جديد
——————————
فوق .. وأفهم بجد إن انت مكسب
ارمي كل شيئ وراك متحبش حاجة قد نفسك
وسيب الدنيا تخبط احنا يابني مش قدها
ونصيحة مني .. بلاش تختار حاجة بتحبها
——————————
أنسا اللي فات ودوس علي قلبك بكرة تعرف لية
احسن ماتكرهة نفسك مش هيجيلك حتة عين
سيب الظروف تكشفلك كل حاجة مش فاهمها
فـ اقبل حقيقتك حتة لو انت من جواك رافضها
——————————
اصحابك مش هتفيدك ولا هتدوملك حاجة اصلا
بدل ماتعيش بترضي حد ارضي ربك احسن
انا بنصح نفسي قبلك .. مفيش حاجات في إيدي
انا بكرة لما اموت ياصاحبي متنسانيش وادعيلي