才让措姆 - 果洛尖参
ཚེ་རིང་མཚོ་མོ།
ཚིག དམེ་ཚང་རྟ་ཁོ།
དབྱངས། འབྲུག་ཡུལ་དམངས་གཞས།
གཞས་པ། མགོ་ལོག་རྒྱལ་མཚན།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
རི་གླུ་རྫ་ལ་མ་འཐེན།
ང་རང་སྨྲེང་སླ་བས།
སྙིང་གི་ཟུངས་ཁྲག་ཁོལ་མ་འདི།
ངག་ལ་བསྐྱོར་ནས་ཡོད།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
ལན་བུ་རླུང་ལ་མ་སྐྱོད།
ང་ཡིས་དྲན་སླ་བས།
བརྩེ་བའི་འོ་ཆུ་གདུ་མ་དེ།
གླུ་རུ་བཀུགས་ནས་ཡོད།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
བཞོ་དབྱངས་ལྷས་ནས་མ་འཐེན།
ང་རང་བཟི་སླ་བས།
འཇིག་རྟེན་སྣང་བ་ཟབ་མོ་དེ།
གླུ་ལ་དྲངས་ནས་ཡོད།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
སྒེག་བྲོ་ལྡེམ་ལྡེམ་མ་འཁྲབ།
ང་རང་སྨོན་སླ་བས།
གཞོན་པའི་ནང་སེམས་གཙང་མ་དེ།
གླུ་རུ་བླངས་ནས་ཡོད།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
འཛུམ་གྱི་པད་ཆུང་མ་བཞད།
ང་ཡིས་ཚོར་སླ་བས།
སྲིད་པའི་ཕུན་ཚོགས་ཁྲ་ཁྲ་དེ།
གླུ་རུ་བླངས་ནས་ཡོད།
སེམས་དགའ་བའི་བུ་མོ།
ཚེ་རིང་མཚོ་མོ་ཁྱེད་ཡིན།
མཛུབ་དཀྲིས་རྟེན་དུ་མ་སྐུར།
ང་རང་གདུང་སླ་བས།
སྙིང་ཆུང་དམར་པོའི་འཕར་ལྡིང་དེ།
གླུ་རུ་བླངས་ནས་ཡོད།
མི་ཉག་པདྨ་ཚེ་དབང་གིས་རོལ་མོ་གླིང་ནས།